117
1
0
1-min walk from Exit A, Causeway Bay MTR Station
continue reading
Telephone
35802798
Payment Methods
Other Info
Online Reservation
10% Service Charge
Above information is for reference only. Please check details with the restaurant.
About
About Reward Scheme
Recommended Dishes
📸Suljib 술집呢排見到身邊個個都去旅行為食妹特別掛住韓國放工發現時代廣場開咗新嘅韓國菜當然唔會錯過Suljib意思既飲酒既地方 即係居酒屋👉🏻 仲要主打韓式fine dining 夠曬特別裝修同燈光都比較柔和設有卡位 仲可以落簾 私隱度十足🍴辣豬皮 $88作為前菜 咸咸辣辣非常惹味同平日車仔麵果啲豬皮唔同韓式豬皮係比較煙韌 有咬口👉🏻 個人覺得配啤酒食 特別夾🍴豬手 $228去開韓國既朋友 絕對唔會陌生用生菜/紫蘇葉包住切片豬手再加上包肉醬 泡菜等一啖擺入口 口感非常滿足份量都幾大份 兩個人都食唔曬🍴芝士泡菜薄餅 $165泡菜餅煎至香脆可口煎成一口既大細表面再墊上芝士咸香又帶點泡菜既酸🍴韓牛胸肉 $660由店員即席係客人面前炒熟仲加入咗泡菜 菇菌 春菊韓牛胸肉肥瘦5050食到差唔多果陣可以叫店員加飯炒好有係韓國食燒肉既感覺🥺🥺🥺🥤飲品方面就試咗兩款梳打柚子同青檸個人傾向柚子多啲 感覺上甜甜地🥰🥰🥰#wwh食勻銅鑼灣 #wwh韓國菜
continue reading
去開銅鑼灣行街見到呢度有間新開嘅韓國菜一於同朋友嚟試吓先😋佢係Fine Dining韓式居酒屋餐廳入面嘅設計都好簡約而且燈光好柔和可以令食客食得好放鬆🤣Starter叫咗辣豬皮 - $88腦入面想像嘅係脆卜卜嘅口感係乾身嘅食物點知上到嚟個樣同想像中都有幾大岀入咬落好似啫喱咁而且都幾彈牙食落唔會好油膩反而食完有一個骨膠原爆登嘅感覺個辣醬都幾辣不過我同朋友都食得辣所以覺得辣得好爽之後叫咗個年糕 - $125竟然係石頭鍋上有驚喜而且Keep到一直都暖暖哋特別欣賞個醬完全係啱晒我口味辣中帶甜又唔會太稀年糕好軟糯入面仲有魚糕，炸紫菜粉絲卷同芝士炸雞炸物雖然有啲醬汁浸住但個炸皮都唔算好淋芝士炸雞有驚喜個口感好好芝士泡菜煎餅 - $165個煎餅好大塊而且有好重手嘅芝士舖面泡菜唔會太辣煎餅都有返咁上下厚度食完都幾飽肚韓牛胸肉 - $660牛胸肉嘅油脂分布平均肉嘅顏色都係好新鮮嘅紅色店員仲會幫我哋整埋牛嘅生熟程度啱啱好夠晒Juicy同牛味配菜入面嘅泡菜偏甜我個人就幾鍾意食不過朋友就好似麻麻哋了皇帝菜加埋啲牛肉汁就更加好食唔算太大味都幾易接受
continue reading
#銅鑼灣地膽 話時代廣場新開左間韓國fine dining - SUL JIB! 身為韓國忠粉梗係要放工去試下！地點位於時代廣場13樓，裝潢以簡約木系加上大自然tone，左邊一列位座更有小間簾，感覺私隱度大大提升！menu主打傳統韓國菜，有Snacks、醬油系列、煎餅、鍋物、韓牛、share系列等，選擇十分之多！ 🌶️🍲韓式年糕 $125 ：用上石鍋上枱嘅年糕鍋，頂層有D沙律菜，下面有超級拉絲嘅芝士豬扒、炸紫菜粉絲卷、魚糕等，年糕軟綿，有芝士同沙律菜中和左小小辣，夠哂滋味！🥩醬油牛𦟌 $125 ：醬油味道清甜，牛展肉味香濃帶點韌勁而不會硬實，食完個年糕鍋食返個涼涼地嘅牛𦟌立即fresh哂! 🥞芝士泡菜煎餅 $165：店員推介呢款芝士泡菜煎餅，面層已見滿滿芝士！夾起仲有抽絲效果！煎餅厚薄適中，咬落去仲食倒一片爽口嘅泡菜！配搭好夾！份量好足！🥩韓牛胸肉配泡菜炒飯🍚 $660 用上頂級韓牛前胸肉，色澤亮麗、油花豐富、脂肉分明！店員先將韓牛同菠菜輕輕炒熟；然後加上泡菜、菇類、大蔥、芽菜等韓式小菜，最後加埋特製麻油一齊煮！香氣撲鼻！韓牛胸肉口感軟嫩，食落都爽而不膩！食到咁上下，仲會加入泡菜粒同飯一齊炒！又飽肚又好味！🍹飲品我地點左青檸梳打/柚子梳打$48， 唔算太甜好啱我地！SUL JIB 술집 地址📍：銅鑼灣勿地臣街1號時代廣場13樓1302號舖
continue reading
韓式居酒屋格局主打ꜰɪɴᴇ ᴅɪɴɪɴɢ。地點就腳，一開業已經吸引不少食客嚐鮮。.微橙暖色主調，裝潢格調高貴優雅。有不少卡座，拉下紗簾自成一角，私隱度高。餐單的設計比想像中直接簡潔，菜式沒有花巧嘩眾的命名，反而令人有一種期待。.➿ꜱᴛᴀʀᴛᴇʀ✿ 辣豬皮 💲88先來一客傳統的辣豬皮韓式小食。深橙黃色的辣醬甜而不膩，辣感輕微，不嗜辣的朋友也不會有問題。很喜歡豬皮滿滿的骨膠原感，加上那濃稠的醬汁質感，令人欲罷不能。.➿ꜱɴᴀᴋᴇꜱ✿ 豬手 💲228韓式豬手雖歸類在小食餐單之內，但與主食份量無異絕不欺場。滿滿的一盤豬手，有數款不同的蔬菜，例如口味各有不同的紫蘇葉、沙律菜和生菜等作配搭，混上韓式辣醬和生蒜粒一起，很滋味。.➿ᴘᴀɴᴄᴀᴋᴇ✿ 芝士泡菜煎餅 💲165泡菜煎餅偏向鬆軟有質感，外層鬆脆，加上芝士這款比較新的配搭，更為惹味。.➿ꜱʜᴀʀᴇ✿ 韓牛胸肉 💲660席前料理的一客韓牛胸肉，擺盤甚為「打卡ᴀʙʟᴇ」。服務員會在食客面前將油脂分明的薄切韓牛胸肉，加上數款韓式的醃製小吃，例如泡菜、芽菜、菇物一起炒熟。食客用到一半後，再加上紅米飯和泡菜一起，做成炒飯。主食分量不少，大家緊記要留肚。.❀ ʟɪᴍᴇ ꜱᴏᴅᴀ 💲48❀ ʏᴜᴢᴜ ꜱᴏᴅᴀ 💲48.不專業食評 IG nei.foodie
continue reading
進駐銅鑼灣時代廣場的SUL JIB，是GYOJASANG GROUP新開的韓式居酒屋。餐廳兩旁的裝潢泛著點點韓式古風， 淺木系的主調配以柔和的燈光，卡座位有韓式薄紗低垂。中間則是鮮明的橙調，是傳統與現代對比的寫照，充滿格調。至於菜式方面，同樣是傳統與現代的融和。奉上傳統韓國餐必備的小菜待客，前菜有青綠的菠菜、野菌和紅蘿蔔條。同時詢問你想要distilled water或sparkling water，跟西餐很相像。最近天氣變得潮濕，我點了清爽醒胃的Lime Soda青檸梳打和入口酸甜的Yuzu Soda 西柚梳打。生蠔 (2隻)生蠔體型大，在青碟上如船，蠔面配有蘿蔔絲和粒粒魚子，蠔肉肥美飽滿，鮮甜有海水味，一眾老饗表示好滿足。年糕熱辣辣的年糕以石鍋上，可以一直keep warm; 配有芝士和泡菜，微辣暖胃，十分滋味。改變了我以往對韓式年糕的刻板印象，下次可encore。白切肉配八爪魚用豬肉的五花腩做韓式白切肉，脂肉比例平均。另一邊有八爪魚切片，八爪魚彈牙不韌，比較合我心意。配有多種蔬菜和泡菜配食，蔬菜新鮮爽脆，個人最喜歡韓國芝麻葉 (紫蘇屬)。韓牛胸肉侍應即場烹調牛胸肉，有多種鮮菜和鮮菇作配料，牛胸肉比一般牛肉的脂肉分佈有所不同，雪白的凝脂主要位於薄片前後兩邊，中間部份則是鮮嫩的鮮紅色，凝脂呈雪花分佈，肉味更濃。吃完牛胸肉和配菜後，侍應再即場烹調韓式炒飯，韓式炒飯主要以炒飯飯粒分明，帶有之前的牛肉香氣，但不油膩。這兒的侍應年輕，溫文有禮，招呼不怠慢。想坐得舒適，吃得特別一回點，於銅鑼灣再多一個好選擇了。
continue reading